پچ کا بغور جائزہ لینے کے بعد ہیڈ کوچ اور کپتان نے مشترکہ طور پر کھلاڑیوں کا انتخاب کیا۔

ذرائع کے مطابق ٹیم مینجمنٹ اور کپتان کی مشاورت میں ابتدائی طور پر کچھ تبدیلیوں پر غور کیا گیا تھا۔ اس دوران ابرار احمد اور شاہین شاہ آفریدی کو آرام دینے کی تجویز سامنے آئی، تاہم کپتان سلمان علی آغا نے شاہین شاہ پر مکمل اعتماد کا اظہار کیا اور انہیں ٹیم میں برقرار رکھنے کا فیصلہ کیا۔

اسی طرح ابرار احمد کی جگہ حارث رؤف کو شامل کرنے پر بات چیت ہوئی، لیکن کوچ اور کپتان نے عمان کیخلاف کھیلی گئی پلئینگ الیون پر اتفاق کر لیا۔

ہیڈ کوچ مائیک ہیسن نے کھلاڑیوں کو خصوصی ہدایات دیتے ہوئے کہا کہ بڑے میچ کے دباؤ میں آئے بغیر کھیل پر توجہ دیں۔ انہوں نے بالخصوص اوپنرز صاحبزادہ فرحان اور صائم ایوب کو ہدایت کی کہ پریشر کے بغیر اعتماد سے بیٹنگ کریں اور ٹیم کو شاندار آغاز فراہم کریں۔

یہ بھی پڑھیں:ایشیا کپ: پاک بھارت میچ کے 700 ٹکٹ مفت تقسیم

قومی ٹیم کی موجودہ پلئینگ الیون برقرار رکھنے کے فیصلے سے ظاہر ہوتا ہے کہ مینجمنٹ کھلاڑیوں کی فارم اور کمبی نیشن پر اعتماد کا اظہار کر رہی ہے۔

شائقین کرکٹ کو اب کل کے بڑے میچ میں ایک سنسنی خیز مقابلے کی امید ہے، جس کا بے صبری سے انتظار کیا جا رہا ہے۔