آئی سی سی کی جانب سے جاری کردہ نئی ون ڈے رینکنگ کے مطابق ون ڈے بیٹرز میں بھارت کے شبمن گل کا پہلی پوزیشن پر قبضہ برقرار ہے جبکہ قومی کرکٹ ٹیم کے سٹار بلے باز بابر اعظم کی دوسری پوزیشن مستحکم ہے۔

نئی رینکنگ میں ویسٹ انڈیز کے شائے ہوپ 2 درجے تنزلی کے بعد 7 ویں نمبر پر چلے گئے ہیں جبکہ پاکستان کرکٹ ٹیم کے کپتان محمد رضوان 5 درجے تنزلی کے بعد 27 ویں نمبر پر پہنچ گئے ہیں۔

آئی سی سی ون ڈے باؤلرز رینکنگ میں جنوبی افریقا کے کیشو مہاراج 2 درجے بہتری کے بعد پہلے نمبر پر آ گئے ہیں جبکہ سری لنکا کے مہیش تھیکشانا کی دوسری پوزیشن ہے۔

یہ بھی پڑھیں: پی سی بی کا ملک بھر میں ٹیلنٹ ہنٹ پروگرام کا اعلان

آئی سی سی باؤلرز رینکنگ کے مطابق ٹاپ ٹین میں پاکستان کا کوئی باؤلر شامل نہیں جبکہ فاسٹ باؤلر شاہین آفریدی کی 2 درجے تنزلی ہوئی ہے جس کے بعد وہ 16 ویں نمبر پر چلے گئے ہیں، ویسٹ انڈیز کے جیڈن سیلز لمبی چھلانگ لگاتے ہوئے 17 درجے ترقی کے بعد 19 ویں نمبر پر آ گئے ۔

آئی سی سی ون ڈے آل راؤنڈرز میں افغانستان کے عظمت اللہ عمرزئی کا پہلی پوزیشن پر قبضہ ہے تاہم پاکستان کا کوئی بھی آل راؤنڈر ٹاپ ٹین میں موجود نہیں ہے۔