پاکستان کرکٹ بورڈ نے پرفارمنس کی بنیاد پر کھلاڑیوں کو بی، سی اور ڈی کیٹیگریز میں تقسیم کیا گیا ہے جہاں ہر کیٹیگری میں 10 کھلاڑی شامل ہیں۔

گزشتہ سال 27 کھلاڑیوں کو کنٹریکٹس دیے گئے تھے، لیکن اس سال تعداد بڑھ کر 30 ہو گئی ہے جن میں 12 نئے چہرے بھی شامل ہیں۔ نئے کنٹریکٹ ہولڈرز میں احمد دانیال، فہیم اشرف، حسن علی، حسن نواز، حسین طلعت، خوشدل شاہ، محمد عباس، محمد حارث، محمد نواز، صہیبزادہ فرحان، سلمان مرزا اور صوفیان مقیم شامل ہیں۔

9 کھلاڑی اپنی سابقہ کیٹیگری برقرار رکھنے میں کامیاب ہوئے جبکہ 8 کھلاڑی اس سال کنٹریکٹ حاصل کرنے میں ناکام رہے۔

یہ بھی پڑھیں: سہ ملکی ٹی 20 سیریز اور ایشیا کپ کیلئے قومی ٹیم کا اعلان

کیٹیگری بی میں بابر اعظم، محمد رضوان، شاہین شاہ، فخر زمان، شاداب خان، ابرار احمد، حارث رؤف، حسن علی، صائم ایوب اور سلمان علی آغا شامل ہیں۔

کیٹیگری سی میں عبداللہ شفیق، نسیم شاہ، سعود شکیل، فہیم اشرف، ساجد خان، محمد نواز، محمد حارث، صہیبزادہ فرحان، حسن نواز اور نعمان علی شامل ہیں۔

کیٹیگری ڈی میں شان مسعود، حسین طلعت، محمد عباس، محمد وسیم جونیئر، محمد عباس آفریدی، خوشدل شاہ، احمد دانیال، سلمان مرزا، خرم شہزاد اور سفیان مقیم شامل ہیں۔

واضح رہے کہ پی سی بی کے اس فیصلے سے قومی ٹیم کے لیے نوجوان اور تجربہ کار کھلاڑیوں کے انتخاب میں توازن برقرار رکھنے کی کوشش کی گئی ہے۔