نئے بال کا قانون

ون ڈے کرکٹ میں اب پہلا اوور 1 سے 34 تک دو الگ بالز استعمال ہوں گی، اوور35  سے فیلڈنگ کے اختتام تک ٹیم دونوں اینڈز پر ایک بال چُن کر آخر تک وہی استعمال کرے گی،  پہلے دونوں بالز پورے 50 اوورز تک استعمال ہوتی تھیں جس سے ریورس سوئنگ ناپید ہو گئی تھی اور آخری اوورز میں بیٹرز کو غیر معمولی فائدہ ملتا تھا، نئے قانون سے بولرز کو ریورس سوئنگ کا ہنر واپس ملنے کی امید ہے۔

کنکشن سبسٹیٹیوٹ کی پابندیاں

اب ہر ٹیم کو میچ سے قبل پانچ متعین کنکشن سبسٹیٹیوٹس دینے ہوں گےجس میں ایک وکٹ کیپر، ایک بیٹر، ایک فاسٹ بولر، ایک اسپنر اور ایک آل راؤنڈرہیں، اس کا مقصد لائک فار لائک اصول کے تحت شفاف تبدیلی کو یقینی بنانا ہے تاکہ ٹیمیں اس اصول کا غلط استعمال نہ کر سکیں۔

باونڈری کیچ اور DRS میں تبدیلیاں

آئی سی سی نے تصدیق کی ہے کہ باونڈری کیچ اور ڈی آر ایس (DRS) سے متعلق چند اہم مگر معمولی ترامیم بھی کی گئی ہیں، جیساکہ اسٹمپنگ ریویو کے دوران اب صرف سائیڈ آن ری پلے کی اجازت ہوگی تاکہ بیٹر کے کیچ آؤٹ  کیلئے مفت ریویو نہ مل سکے۔