انہوں نے 13 سالہ کرکٹ کیریئر کے بعد ریٹائرمنٹ کا اعلان کیا۔ ویڈ کا کہنا ہے کہ ٹی20 ورلڈ کپ کے بعد انہیں اندازہ ہوگیا تھا کہ اب بین الاقوامی کرکٹ سے ان کا سفر اختتام پذیر ہو چکا ہے۔ 

 

اس موقع پر ویڈ نے اپنے تجربے کو نئی ذمہ داریوں میں استعمال کرنے کے عزم کا اظہار کیا اور کوچنگ کے کردار کو خوش آئند قرار دیا۔

 

 

ویڈ نے اپنے ریٹائرمنٹ کے ساتھ ہی آسٹریلیا کی کوچنگ ٹیم میں شامل ہونے کا اعلان بھی کیا۔ 

 

پاکستان کے خلاف ٹی20 سیریز میں ویڈ کوچنگ ٹیم کا حصہ ہوں گے، جہاں وہ آندرے بورووک کے ماتحت کوچنگ میں اپنی نئی اننگز کا آغاز کریں گے۔ ویڈ نے بتایا کہ گذشتہ چھ ماہ سے وہ آسٹریلوی چیف سلیکٹر جارج بیلی اور ہیڈ کوچ اینڈریو میکڈونلڈ کے ساتھ کوچنگ کے امکانات پر گفتگو کرتے رہے ہیں۔ ویڈ نے مزید کہا کہ وہ کوچنگ کے لیے پرجوش ہیں اور اس تبدیلی کے لیے شکر گزار ہیں۔

 

 

ویڈ نے مارچ 2024 ء میں ٹیسٹ کرکٹ سے علیحدگی اختیار کر لی تھی، جس کے بعد انہوں نے محدود اوورز کی کرکٹ پر توجہ مرکوز کی۔

 

 اس سال جون میں منعقدہ ٹی20 ورلڈ کپ میں وہ آسٹریلوی ٹیم کا حصہ تھے اور بہترین کارکردگی کا مظاہرہ کیا۔

 

 تاہم، ستمبر 2024 ء میں انگلینڈ کے دورے میں انہیں آسٹریلوی ٹیم میں شامل نہیں کیا گیا، جس کے بعد ویڈ نے مکمل ریٹائرمنٹ پر غور کیا۔ ویڈ نے بی بی ایل میں اپنی فرنچائز ہوبارٹ ہریکینز کے لیے کھیل جاری رکھنے کا اعلان بھی کیا ہے۔

 

 

پاکستان کے خلاف ٹی20 سیریز میں ویڈ آندرے بورووک کی قیادت میں کوچنگ ٹیم کا حصہ ہوں گے، جبکہ ون ڈے سیریز کے دوران بھی وہ غیر سرکاری طور پر کوچنگ ٹیم کے ساتھ منسلک رہیں گے۔

 

 دوسری طرف اینڈریو میکڈونلڈ کی زیر قیادت کوچنگ ٹیم بھارت کے خلاف آنے والی ٹیسٹ سیریز کی تیاریوں میں مصروف ہوگی۔

 

 

میتھیو ویڈ نے 2011 ء سے 2024 ء کے دوران آسٹریلیا کی نمائندگی کرتے ہوئے 36 ٹیسٹ، 97 ون ڈے اور 92 ٹی20 میچ کھیلے۔ 

 

ویڈ کی بہترین کارکردگی میں 2021 ء کے ٹی20 ورلڈ کپ کا سیمی فائنل شامل ہے، جس میں انہوں نے پاکستان کے خلاف 17 گیندوں پر 41 رنز بنائے اور اپنی ٹیم کی کامیابی میں کلیدی کردار ادا کیا۔

 

 ویڈ کا کرکٹ کیریئر آسٹریلیا کی فتح کی کئی یادگاروں کا حصہ ہے اور کرکٹ کی دنیا میں ان کی کارکردگی کو ہمیشہ یاد رکھا جائے گا۔