Suno News
شاہد آفریدی کیخلاف نعرے لگ گئے، ویڈیو وائرل
Image
لندن: (ویب ڈیسک) سابق کپتان قومی کرکٹ ٹیم شاہد آفریدی کے خلاف برمنگھم میں نعرے لگ گئے جس کی ویڈیو سوشل میڈیا پر وائرل ہوگئی۔

تفصیلات کے مطابق سابق آل راؤنڈر برطانیہ میں ورلڈ چیمئن شپ آف لیجنڈز ایونٹ میں پاکستان کی نمائندگی کر رہے ہیں، دیگر سابق پاکستانی کھلاڑی بھی شاہد آفریدی کیساتھ ایونٹ میں شریک ہیں۔

 

سوشل میڈیا پر وائرل ویڈیو میں دیکھا جاسکتا ہے کہ سابق کپتان شاہد آفریدی جیسے ہی برطانیہ کے شہر برمنگھم میں موجود ایک چائے کے ہوٹل سے باہر نکلے وہاں موجود لوگوں کا ہجوم شاہد آفریدی کے ساتھ تصویر بنوانے میں مصروف ہوگئے۔

 

وہیں پر موجود کچھ لوگوں نے شاہد آفریدی کے خلاف اچانک شیم شیم کے نعرے لگانا شروع کر دیئے۔ سوشل میڈیا صارفین کی جانب سے ویڈیو پر مختلف ردِعمل کا اظہار کیا جا رہا ہے۔