بجلی صارفین کیلئے بڑا جھٹکا
سینٹرل پاور پرچیزنگ ایجنسی (سی پی پی اے) نے بجلی کی قیمت میں اضافے کیلئے نیشنل الیکٹرک پاور ریگولیٹری اتھارٹی (نیپرا) کو باضابطہ درخواست ارسال کردی ہے۔ درخواست میں اکتوبر کے دوران بجلی کی پیداوار اور ترسیل سے متعلق اعداد و شمار بھی پیش کیے گئے ہیں۔
دستاویز کے مطابق اکتوبر کے مہینے میں بجلی کی تقسیم کار کمپنیوں (ڈسکوز) کو مجموعی طور پر 10 ارب 35 کروڑ یونٹ بجلی فروخت کی گئی۔
سی پی پی اے کی جانب سے پیش کردہ اعداد و شمار کی بنیاد پر بجلی کی قیمت میں 2 روپے 88 پیسے فی یونٹ اضافے کی استدعا کی گئی ہے۔
نیپرا حکام کے مطابق سی پی پی اے کی درخواست پر 26 نومبر کو باقاعدہ سماعت ہوگی، سماعت کے دوران بجلی کی پیداواری لاگت، فیول چارجز اور دیگر متعلقہ اعداد و شمار کا تفصیلی جائزہ لیا جائے گا۔
ذرائع کا کہنا ہے کہ اگر نیپرا نے اضافے کی درخواست منظور کرلی تو بجلی صارفین پر مجموعی طور پر تقریباً 29 ارب 80 کروڑ روپے کا اضافی بوجھ پڑ سکتا ہے۔
یہ بھی پڑھیں:میٹرک اور انٹر کے طلبہ کیلئے بڑی خوشخبری
تاہم بجلی کی قیمت میں اضافے سے متعلق حتمی فیصلہ نیپرا کی سماعت اور اعداد و شمار کے جائزے کے بعد جاری کرے گا۔ صارفین کو حتمی فیصلے کا انتظار ہے۔