چوہدری شافع کا چھوٹے بھائی سالک کیلئے اہم بیان آگیا
صوبائی وزیرِ صنعت پنجاب چوہدری شافع حسین نے اپنے چھوٹے بھائی اور وفاقی وزیر چوہدری سالک حسین کے حوالے سے سوشل میڈیا پلیٹ فارم ‘ایکس’ پر جاری ایک بیان میں واضح کیا ہے کہ انہوں نے اپنے چھوٹے بھائی سے نہ تو کبھی کوئی فاصلہ اختیار کیا ہے اور نہ ہی وہ مستقبل میں ایسا کریں گے۔
چوہدری شافع حسین نے اپنے بیان میں کہا کہ چوہدری سالک حسین ایک خودمختار شخصیت ہیں اور انہیں اپنی ہر بات پر مکمل آزادانہ رائے رکھنے کا حق حاصل ہے۔
انہوں نے یہ بھی امکان ظاہر کیا کہ ممکن ہے سالک حسین کے پاس کچھ ایسی معلومات ہوں جن سے وہ خود فی الحال واقف نہ ہوں۔
یہ بھی پڑھی :’عمران خان کا بلڈ پریشر 192 تک جانا انتہائی تشویشناک‘
صوبائی وزیر کا کہنا تھا کہ چوہدری سالک حسین نے اپنے بیان میں نہ تو وزیراعلیٰ پنجاب کا نام لیا اور نہ ہی پنجاب حکومت کا کوئی ذکر کیا ہے۔ ان کے مطابق، ان کا ذاتی خیال یہ ہے کہ سالک حسین کا اشارہ دراصل حکومتی نظام یا ماضی میں موجود کسی بدعنوانی کی جانب تھا۔
I have and will never distant myself from my younger brother. He is an Independant person with his own Independant views. He might have been privy to information which I am not aware of. He never named CM nor the Punjab government but I believe was referring to the systemic corruption that we all agree exists as whole We all politicians should be more tolerant & sit together to clear misunderstandings Regarding Pervaiz Elahi tenure Federal minister Salik Hussain referred to the 2003-2008 cm tenure of PMLQ govt in Punjab under the leadership of Ch Shujat Hussain sb as the President of the party.
— Shafay Hussain (@ChShafayHussain) November 5, 2026
چوہدری شافع حسین نے سیاسی صورتحال پر روشنی ڈالتے ہوئے مشورہ دیا کہ تمام سیاستدانوں کو زیادہ سے زیادہ برداشت اور تحمل کا مظاہرہ کرنا چاہیے۔ انہوں نے اس بات پر بھی زور دیا کہ کسی بھی قسم کی غلط فہمیوں کو دور کرنے کے لیے سیاستدانوں کو آپس میں بیٹھ کر بات چیت کرنی چاہیے۔
بیان کی وضاحت کرتے ہوئے انہوں نے مزید بتایا کہ چوہدری سالک حسین کا اشارہ دراصل 2003 سے 2008 کے دوران مسلم لیگ ق کی حکومت کی جانب تھا، اور اس وقت پنجاب میں مسلم لیگ ق کی یہ حکومت چوہدری شجاعت حسین کی قیادت میں قائم کی گئی تھی۔
