حماد اظہر نے جیل سے ضمانت کی درخواست دائر

تفصیلات کے مطابق حماد اظہر نے اپنے وکیل سکندر ذوالقرنین سلیم ایڈووکیٹ کی وساطت سے ضمانت کی درخواست دائر کی۔ انسداد دہشت گردی عدالت کے جج منظر علی گل نے درخواست پر سماعت کی اور فریقین کو نوٹس جاری کردیئے۔

درخواست میں مؤقف اختیار کیا گیا کہ حماد اظہر کو سیاسی بنیادوں پر تقریباً تین سال کی تاخیر کے بعد گرفتار کیا گیا، لہٰذا انہیں ضمانت پر رہا کرنے کا حکم دیا جائے۔

دوسری جانب تفتیشی افسر نے اپنے مؤقف میں کہا ہے کہ ملزم جناح ہاؤس حملہ کیس میں ملوث ہے اور 9 مئی کے مقدمات میں تین سال اور نو ماہ تک اشتہاری رہا ہے۔

واضح رہے کہ جناح ہاؤس پر حملے اور جلاؤ گھیراؤ کا مقدمہ لاہور کے تھانہ سرور روڈ میں درج ہے۔ پولیس ریکارڈ کے مطابق اس واقعے کا مقدمہ نمبر 96/23 درج کیا گیا تھا، جس میں پی ٹی آئی رہنماؤں اور کارکنوں پر جناح ہاؤس پر حملے میں ملوث ہونے کے الزامات عائد کیے گئے ہیں۔

حماد اظہر کی جانب سے ضمانت کی درخواست دائر کیے جانے کے بعد اب عدالت میں اس معاملے پر مزید کارروائی ہوگی۔ درخواست پر حتمی فیصلہ عدالت کی جانب سے دلائل اور دستیاب ریکارڈ کا جائزہ لینے کے بعد کیا جائے گا۔