لاہور: سگنل پر کھڑی کار ٹرالر تلے دب گئی، خاندان کے 3 افراد جاں بحق
پولیس کے مطابق حادثہ اس وقت پیش آیا جب کار سگنل پر رکی ہوئی تھی۔ بھاری ٹرالر تلے آنے سے گاڑی بری طرح پچک گئی اور اس میں سوار افراد اندر پھنس گئے۔
اطلاع ملنے پر پولیس اور ریسکیو 1122 کی ٹیمیں موقع پر پہنچ گئیں، کار کو ٹرالر کے نیچے سے نکالنے کیلئے کرین اور دوسرے ٹرالر کی مدد لی گئی جبکہ امدادی اہلکاروں نے گاڑی کے مختلف حصے کاٹ کر اندر پھنسے افراد تک رسائی حاصل کی، طویل جدوجہد کے بعد تینوں لاشیں نکال کر مردہ خانے منتقل کر دی گئیں۔
یہ بھی پڑھیں: سینیٹر فیصل واوڈا کا سہیل آفریدی کی نااہلی سے متعلق بڑا دعوی
پولیس کے مطابق جاں بحق افراد کی شناخت محمد عاصم کے نام سے ہوئی ہے۔ تینوں کا تعلق لاہور کے علاقے اچھرہ کے شاہ جمال سے بتایا گیا ہے۔
حادثے کے بعد ٹرالر کا ڈرائیور اور دیگر عملہ موقع سے فرار ہو گیا، پولیس نے واقعہ کی تحقیقات شروع کر دی ہے نیز حادثے کا شکار کار کا رجسٹریشن DEX-436 نمبر بتایا گیا ہے۔
امدادی کارروائی مکمل ہونے کے بعد تباہ شدہ گاڑی کو سڑک سے ہٹا دیا گیا اور علامہ اقبال روڈ پر ٹریفک بحال کر دی گئی۔
