پی ٹی آئی کا گورنر راج چیلنج کرنے کا اعلان
تفصیلات کے مطابق پی ٹی آئی کے چیئرمین بیرسٹر گوہر اور دیگر پارٹی رہنماؤں کے مطابق وفاقی حکومت کی جانب سے 11 اکتوبر کو کیے گئے اس اقدام کو غیر آئینی اور بدنیتی پر مبنی قرار دیتے ہوئے عدالت میں چیلنج کیا جا رہا ہے۔
یہ بھی پڑھیں: صوبے کی پالیسی کابل نہیں بلکہ وفاق طے کرے گا، گورنرکےپی
اس معاملے پر وکیل سلمان کے توسط سے پشاور ہائیکورٹ میں ایک درخواست پہلے ہی دائر کیے جانے کی اطلاع ہے، جس میں صدر مملکت، وزیراعظم شہباز شریف اور گورنر کو فریق بنایا گیا ہے۔
تحریک انصاف کا مؤقف ہے کہ خیبرپختونخوا میں گورنر راج کا نفاذ صوبائی خودمختاری اور عوام کے دیے گئے مینڈیٹ پر حملہ ہے۔ پارٹی رہنماؤں نے واضح کیا ہے کہ وہ اس اقدام کے خلاف قانونی راستہ اختیار کرنے کے ساتھ ساتھ پارلیمنٹ اور عوامی سطح پر بھی پُرامن جدوجہد جاری رکھیں گے۔
پی ٹی آئی کے مطابق اس اقدام کو عدالت میں چیلنج کرنے کا مقصد صوبے کے آئینی حقوق اور عوامی مینڈیٹ کا تحفظ یقینی بنانا ہے۔
