غیر ملکی میڈیکل اداروں میں داخلے کیلئے ایم ڈی کیٹ کی شرط ختم
فائل فوٹو
Updated 19 گھنٹے قبل | Published October, 5 2026 |
اسلام آباد(ویب ڈیسک) پاکستان میڈیکل اینڈ ڈینٹل کونسل (پی ایم ڈی سی) نے غیر ملکی میڈیکل اور ڈینٹل اداروں میں داخلے کے خواہشمند پاکستانی طلبہ کے لیے ایم ڈی کیٹ کی لازمی شرط ختم کرنے کا فیصلہ کرلیا۔
پی ایم ڈی سی کی جانب سے اس حوالے سے پبلک نوٹس جاری کردیا گیا ہے، جس کے مطابق غیر ملکی میڈیکل و ڈینٹل اداروں میں داخلے کے لیے پاکستانی طلبہ کو ایم ڈی کیٹ سے استثنیٰ حاصل ہوگا۔
یہ بھی پڑھیں: آئی ٹی گریجویٹس کیلئے خوشخبری، ہزاروں روپے ماہانہ وظیفہ
نوٹس کے مطابق کونسل نے یہ فیصلہ 14 ستمبر کو ہونے والے اجلاس میں کیا، جس کے بعد بیرون ملک میڈیکل اور ڈینٹل اداروں میں داخلے کے خواہشمند پاکستانی طلبہ کے لیے ایم ڈی کیٹ پاس کرنا لازمی نہیں ہوگا۔
پی ایم ڈی سی کے فیصلے کے تحت اب ایسے طلبہ غیر ملکی میڈیکل اور ڈینٹل اداروں میں داخلے کے لیے ایم ڈی کیٹ کے بغیر بھی درخواست دے سکیں گے، تاہم انہیں دیگر متعلقہ داخلہ شرائط پوری کرنا ہوں گی۔
