لانگ مارچ کیلئے ایک دن میں 4 کروڑ روپے جمع ہو گئے، سہیل آفریدی

پشاور میں چندہ مہم کے دوران کارکنوں سے خطاب کرتے ہوئے وزیراعلیٰ سہیل آفریدی نے بتایا کہ لانگ مارچ کیلئے چندہ مہم کا آغاز کردیا گیا ہے اور کال کے بعد پہلے ہی روز 4 کروڑ روپے جمع ہوئے۔

انہوں نے چندہ مہم میں حصہ لینے والے کارکنوں اور عوام کا شکریہ ادا کرتے ہوئے کہا کہ مہم جاری رہے گی اور لانگ مارچ کیلئے فنڈز کی کمی کا کوئی مسئلہ نہیں ہوگا۔

یہ بھی پڑھیں: دہری شہریت والے ملازمین کیلئے اہم خبر، حکومت کا بڑا اعلان

وزیراعلیٰ خیبرپختونخوا نے بتایا کہ لانگ مارچ کا آغاز 4 اکتوبر کو لکی مروت سے ہوگا، جس کے بعد قافلہ 6 اکتوبر کی صبح متنی پشاور پہنچے گا۔

انہوں نے کہا کہ متنی سے قافلہ صوابی کیلئے روانہ ہوگا، جہاں سے لانگ مارچ کے اگلے مرحلے کا آغاز کیا جائے گا۔