دہری شہریت والے ملازمین کیلئے اہم خبر، حکومت کا بڑا اعلان
اسٹیبلشمنٹ ڈویژن نے سول سرونٹس کیلئے غیر ملکی شہریت سے متعلق قواعد 2026 پر عملدرآمد کے حوالے سے آفس میمورنڈم جاری کردیا ہے۔
آفس میمورنڈم کے مطابق سرکاری افسران کیلئے غیر ملکی شہریت، غیر ملکی سفری دستاویزات اور غیر ملکی شہری سے شادی سے متعلق تفصیلات فراہم کرنا لازم ہوگا۔
سول سرونٹس کو اپنے ساتھ ساتھ زیر کفالت افراد کی غیر ملکی شہریت سے متعلق تفصیلات بھی ڈیکلریشن میں دینا ہوں گی۔
یہ بھی پڑھیں: آئی ایم ایف کا حکومت سے فیول ریلیف سکیم ختم کرنے کا مطالبہ
اسٹیبلشمنٹ ڈویژن نے ڈیکلریشن جمع کرانے کیلئے افسران کو ایک ہفتے کی مہلت دی ہے، جبکہ مقررہ مدت میں ڈیکلریشن جمع نہ کرانے والے افسران کے خلاف محکمانہ کارروائی کی جاسکتی ہے۔
میمورنڈم میں واضح کیا گیا ہے کہ غلط معلومات یا غلط ڈیکلریشن جمع کرانا سول سرونٹس کیلئے مس کنڈکٹ تصور ہوگا۔ ایسی صورت میں ایفیشنسی اینڈ ڈسپلن رولز 2020 کے تحت کارروائی کی جائے گی۔
دریں اثنا چیف سیکرٹریز اور صوبائی پولیس سربراہان کو بھی اسی نوعیت کی کارروائی یقینی بنانے کی ہدایت کردی گئی ہے۔
