بجلی صارفین کیلئے آئیسکو کا بڑا اعلان
اعلامیے میں کہا گیا ہے کہ بجلی کی طلب اور رسد میں عارضی فرق پیدا ہونے کی صورت میں بھی کسی فیڈر سے منسلک علاقے میں 2 گھنٹے سے زیادہ لوڈ شیڈنگ نہیں کی جائے گی۔
کمپنی نے بجلی کی مسلسل فراہمی یقینی بنانے کے لیے متعلقہ حکام اور فیلڈ اسٹاف کو ضروری ہدایات جاری کر دی ہیں جبکہ نظام کی نگرانی اور صارفین کو ممکنہ حد تک ریلیف فراہم کرنے کا عمل جاری رہے گا۔
آئیسکو کے مطابق بارشوں اور دیگر موسمی حالات کے باعث بجلی کے نظام میں پیدا ہونے والی خرابیوں اور شہریوں کی شکایات کے فوری ازالے کیلئے کمپلینٹ اسٹاف فیلڈ میں موجود ہے۔
یہ بھی پڑھیں: عالمی منڈی میں تیل سستا ہوگیا
کمپنی نے بتایا کہ انفرادی شکایات، ٹرانسفارمر کی خرابی اور بجلی سے متعلق دیگر مسائل کے حل کے لیے متعلقہ عملہ متحرک ہے۔
آئیسکو نے صارفین سے اپیل کی ہے کہ بجلی کی خرابی یا کسی بھی مسئلے کی صورت میں براہ راست فیلڈ اسٹاف سے رابطہ کرنے کے بجائے متعلقہ کمپلیٹ سینٹر میں باقاعدہ شکایت درج کرائیں تاکہ اس کا بروقت اندراج اور ازالہ یقینی بنایا جا سکے۔
صارفین بجلی سے متعلق شکایات درج کرانے کے لیے 118 ہیلپ لائن پر بھی رابطہ کر سکتے ہیں۔
