وزیرا عظم فیول ریلیف پروگرام میں عوام کیلئے مزید سہولت
20 سال پرانی تمام موٹر سائیکلیں پیٹرول ریلیف اسکیم کے لیے اہل/فائل فوٹو
Updated | Published September, 18 2026 |
اسلام آباد (ویب ڈیسک) وزیراعظم شہباز شریف نے پیٹرول ریلیف اسکیم میں عوام کو مزید سہولت فراہم کرنے کے لیے 20 سال پرانی موٹر سائیکلوں، رکشوں اور چنگ چی کو بھی اسکیم میں شامل کرنے کی ہدایت کردی۔
تفصیلات کے مطابق وزیراعظم شہباز شریف کی ہدایات کے بعد یکم جنوری 2006 یا اس کے بعد رجسٹرڈ ہونے والی تمام موٹر سائیکلیں، رکشے اور چنگ چی پیٹرول ریلیف اسکیم کے لیے اہل ہوں گے۔
یہ بھی پڑھیں: پیٹرول ریلیف کی رقم پمپس کے اکاؤنٹس میں منتقل
اس فیصلے کے تحت پرانی موٹر سائیکلیں، رکشے اور چنگ چی رکھنے والے افراد بھی مقررہ طریقہ کار کے مطابق رجسٹریشن کروا کر پیٹرول ریلیف اسکیم سے مستفید ہوسکیں گے۔
وزیراعظم نے عوام کو ریلیف فراہم کرنے اور اسکیم سے زیادہ سے زیادہ افراد کو مستفید کرنے کے لیے متعلقہ اداروں کو خصوصی ہدایات جاری کردی ہیں۔
