پیٹرول ریلیف کی رقم پمپس کے اکاؤنٹس میں منتقل

ذرائع کے مطابق حکومت نے ریلیف فراہم کرنے والے 868 پیٹرول پمپس کو مجموعی طور پر ایک کروڑ 22 لاکھ 36 ہزار روپے کی ادائیگی کر دی ہے۔

ذرائع کا کہنا ہے کہ حکومت نے پیٹرول ریلیف فراہم کرنے والے پیٹرول پمپس کے اکاؤنٹس میں رقم براہِ راست منتقل کی ہے، جبکہ وزارت پیٹرولیم، اوگرا اور مرکزی بینک ریلیف کے نظام کی نگرانی کر رہے ہیں۔

یہ بھی پڑھیں: عالمی منڈی میں تیل کی قیمتیں گر گئیں

ذرائع کے مطابق وزارت پیٹرولیم نے پیٹرول پمپ مالکان کو ریلیف کی رقم ایک دن میں ادا کرنے کی یقین دہانی کرائی تھی۔

پیٹرول پمپ مالکان کی جانب سے ریلیف کی ادائیگی سے متعلق شکایت پر اوگرا اور وزارت پیٹرولیم نے معاملے کے فوری حل کی بھی یقین دہانی کرائی ہے۔

حکام کے مطابق پیٹرول ریلیف کی ادائیگی کے عمل کی نگرانی جاری ہے تاکہ ریلیف فراہم کرنے والے پیٹرول پمپس کو مقررہ رقم بروقت ادا کی جاسکے۔