بادل کہاں کہاں برسیں گے؟ محکمہ موسمیات نے بتا دیا
محکمہ موسمیات کے مطابق لاہور میں آج موسم جزوی طور پر ابر آلود رہنے کا امکان ہے، تاہم شہر میں بارش کے امکانات محدود ہیں۔ لاہور میں کم سے کم درجہ حرارت تقریباً 22 ڈگری سینٹی گریڈ ریکارڈ کیا گیا، جبکہ دن کے اوقات میں درجہ حرارت میں اضافہ متوقع ہے۔ موجودہ سرکاری مشاہدات کے مطابق لاہور میں صبح کے وقت بارش ریکارڈ نہیں ہوئی۔
کراچی میں بھی آج موسم گرم اور مرطوب رہنے کی توقع ہے، محکمہ موسمیات کے مشاہدات کے مطابق شہر میں صبح کے وقت درجہ حرارت تقریباً 29 ڈگری سینٹی گریڈ ریکارڈ کیا گیا، جبکہ آج بارش ریکارڈ نہیں ہوئی۔
دوسری جانب اسلام آباد، راولپنڈی، کشمیر اور بعض بالائی علاقوں میں بارش اور گرج چمک کے امکانات موجود ہیں۔ پنجاب کے مختلف علاقوں، خیبرپختونخوا اور گلگت بلتستان کے بعض مقامات پر بھی بارش متوقع ہے۔
محکمہ موسمیات کا کہنا ہے کہ راولپنڈی، جہلم، گوجرانوالہ، گجرات، نارووال اور سیالکوٹ سمیت بعض علاقوں میں بارش کا امکان ہے۔
یہ بھی پڑھیں:ڈرائیونگ لائسنس بنوانے کا طریقہ بدل گیا، اب کیا کرنا ہوگا؟
خیبرپختونخوا میں چترال، کوہستان، شانگلہ، سوات، دیر اور تورغر سمیت مختلف علاقوں میں بارش ہوسکتی ہے، جبکہ گلگت بلتستان کے بعض علاقوں میں بھی بارش اور گرج چمک متوقع ہے۔
بلوچستان کے بیشتر اضلاع میں موسم خشک رہنے کا امکان ہے، تاہم بارکھان، موسیٰ خیل اور شیرانی میں بارش ہوسکتی ہے۔
