سرکاری ملازمین کیلئے بڑی خوشخبری، حکومت کا بڑا اعلان
تفصیلات کے مطابق وزیراعلیٰ خیبرپختونخوا سہیل آفریدی کی زیر صدارت صحت کارڈ پلس سے متعلق اجلاس ہوا، جس میں پروگرام کو مزید منظم، مؤثر اور دیرپا بنانے کے لیے مختلف تجاویز پر غور کیا گیا۔
اجلاس میں صحت کارڈ کے تحت مہنگے علاج کی کوریج بڑھانے اور سروس ریٹس میں اضافے کی تجاویز پیش کی گئیں، جبکہ سرکاری ملازمین کے لیے صحت کارڈ کے تحت ٹاپ اَپ ہیلتھ پیکج متعارف کرانے کی تجویز بھی سامنے آئی۔
اس موقع پر وزیراعلیٰ سہیل آفریدی نے کہا کہ بانی پی ٹی آئی عمران خان کے وژن کے مطابق صحت اور تعلیم حکومت کی اولین ترجیحات میں شامل ہیں۔
یہ بھی پڑھیں: بی آئی ایس پی تعلیمی وظائف پروگرام میں رجسٹریشن کا طریقہ جانیے
انہوں نے کہا کہ بنیادی صحت مراکز میں اصلاحات اور جدت لانے کا مقصد عوام کو ان کی دہلیز پر بہتر طبی سہولتیں فراہم کرنا ہے۔ عوام کو بہترین صحت کی سہولتوں کی فراہمی حکومت کا حتمی ہدف ہے۔
وزیراعلیٰ نے متعلقہ حکام کو صحت اور تعلیم کے امور بروقت نمٹانے کی ہدایت کرتے ہوئے کہا کہ ان معاملات میں تاخیر کی گنجائش نہیں، صحت کارڈ کی سہولت کے غلط استعمال کی روک تھام کے لیے بھی مؤثر اقدامات کئے جائیں۔
