تیز رفتار کار ٹرالر سے ٹکرا گئی، 4 افراد جاں بحق
پولیس کے مطابق حادثہ گھوٹکی میں قومی شاہراہ پر پیش آیا، جہاں تیز رفتار کار ڈرائیور سے بے قابو ہوئی اور سامنے موجود ٹرالر سے ٹکرا گئی۔ تصادم اتنا شدید تھا کہ کار میں سوار چاروں افراد موقع پر ہی جان کی بازی ہار گئے۔
پولیس حکام کا کہنا ہے کہ حادثے میں جاں بحق ہونے والوں میں ایک خاتون بھی شامل ہے، تمام جاں بحق افراد کا تعلق پنجاب کے علاقے احمد پور شرقیہ سے بتایا گیا ہے۔
حادثے کی اطلاع ملتے ہی پولیس اور امدادی ٹیمیں موقع پر پہنچ گئیں اور ضروری کارروائی کے بعد جاں بحق افراد کی میتیں قریبی اسپتال منتقل کردی گئیں۔
پولیس نے حادثے کی وجوہات جاننے کیلئے تحقیقات شروع کردی ہیں، ابتدائی طور پر پولیس کی جانب سے امکان ظاہر کیا گیا ہے کہ حادثہ تیز رفتاری کے باعث پیش آیا۔
حادثے کے باعث قومی شاہراہ پر کچھ دیر کیلئے ٹریفک کی روانی بھی متاثر ہوئی، تاہم امدادی کارروائی مکمل ہونے کے بعد راستہ کلیئر کردیا گیا۔
یہ بھی پڑھیں:مٹیاری میں نہر کنارے بیٹھے 3 نوجوان ڈوب گئے
پولیس کا کہنا ہے کہ حادثے سے متعلق مزید معلومات اور جاں بحق افراد کی شناخت کے حوالے سے قانونی کارروائی جاری ہے۔ واقعے کے بعد علاقے میں فضا سوگوار ہوگئی جبکہ جاں بحق افراد کے اہلخانہ کو اطلاع کردی گئی ہے۔
