رواں برس پرائیویٹ حج پیکج کتنے کا ہو گا؟ تفصیلات جانیے
پرائیویٹ حج پیکج/فائل فوٹو
Updated 17 گھنٹے قبل | Published September, 4 2026 |
اسلام آباد (ویب ڈیسک) وزارت مذہبی امور کے مطابق حج منظم کمپنیوں نے حج پیکیج ڈیجیٹل پورٹل پر اپ لوڈ کر دیے ہیں، جس کے بعد پاک حج ایپ اور پورٹل کے ذریعے پرائیویٹ حج اسکیم کی بکنگ میں تیزی آ گئی
پرائیویٹ حج اسکیم کے تحت 16 بنیادی حج پیکیج فائنل کیے گئے ہیں اور رواں برس پرائیویٹ حج پیکیج 14 لاکھ سے ساڑھے 37 لاکھ روپے تک ہیں۔
رواں برس پرائیویٹ حج اسکیم کے لیے 71 ہزار 684 نشستیں مختص کی گئی ہیں۔ پرائیویٹ اسکیم میں مختصر دورانیے اور فائیو اسٹار پیکیج کی سہولت موجود ہے۔
یہ بھی پڑھیں: میرپورخاص میں کل پنک سکوٹیز تقسیم ہوں گی، شرجیل میمن
عازمین پیکیج کا انتخاب اور ادائیگی صرف پورٹل یا ایپ سے کریں۔ براہِ راست رقم کی ادائیگی پر وزارت کسی نقصان کی ذمے دار نہیں ہوگی۔
پرائیویٹ حج اسکیم میں پیکیج کے انتخاب اور ادائیگی کی آخری تاریخ 20 نومبر ہے۔ آخری تاریخ تک کوٹہ مکمل نہ ہوا تو وزارت ازسرِنو کوٹہ مختص کر سکے گی۔
