40 اور 25 ہزار روپے کے پریمیئم پرائز بانڈ رکھنے والوں کیلئے بڑی خوشخبری
40 ہزار روپے کے پریمیئم پرائز بانڈ کی 38ویں قرعہ اندازی سیالکوٹ میں منعقد کی جائے گی، جس میں پہلے انعام کی رقم 8 کروڑ روپے مقرر کی گئی ہے، جبکہ 3 خوش نصیب افراد کو 3،3 کروڑ روپے کے دوسرے انعامات دیے جائیں گے۔
قرعہ اندازی میں 5 لاکھ روپے مالیت کے 660 تیسرے انعامات بھی شامل ہیں، اس طرح 40 ہزار روپے کے بانڈ کی قرعہ اندازی میں مجموعی طور پر 664 انعامات دیے جائیں گے۔
دوسری جانب 25 ہزار روپے کے پریمیئم پرائز بانڈ کی 23ویں قرعہ اندازی کوئٹہ میں ہوگی۔ اس قرعہ اندازی میں 3 کروڑ روپے کے 2 پہلے انعامات، ایک کروڑ روپے کے 5 دوسرے انعامات جبکہ 3 لاکھ روپے مالیت کے 700 تیسرے انعامات رکھے گئے ہیں۔
یہ بھی پڑھیں: لندن روٹ پر پروازوں کی تعداد میں اضافے کا اعلان
دونوں قرعہ اندازیوں میں مجموعی طور پر 1,370 انعامات دیے جائیں گے، جس کے باعث پرائز بانڈ رکھنے والے شہریوں میں خاصا جوش پایا جا رہا ہے۔
واضح رہے کہ 40 ہزار روپے کے پریمیئم پرائز بانڈ کے پہلے انعام یعنی 8 کروڑ روپے پر قانون کے مطابق ودہولڈنگ ٹیکس عائد ہوگا۔ فائلر کی صورت میں 15 فیصد ٹیکس کٹوتی کے بعد تقریباً 6 کروڑ 80 لاکھ روپے جبکہ نان فائلر کے لیے 30 فیصد ٹیکس کٹوتی کے بعد تقریباً 5 کروڑ 60 لاکھ روپے کی رقم باقی بچے گی۔
