ہنگو: 2 گروپوں میں فائرنگ، جے یو آئی رہنما سمیت 3 افراد قتل

ڈی پی او ہنگو طارق حبیب کے مطابق تحصیل ٹل میں تھانہ ٹل کے علاقہ چھپری وزیران میں سرکاری (بنیادی مرکز صحت) ہسپتال کی تعمیر کے تنازعے پر گزشتہ روز دو گروپوں میں فائرنگ ہوئی جس کے نتیجے میں ایک فریق کے 2 افراد جبکہ دوسرے فریق کا 1 شخص جاں بحق ہو گیا۔

یہ بھی پڑھیں: 16سال سے کم عمربچوں کے سوشل میڈیا استعمال پرپابندی

ڈی پی او کے مطابق دونوں گروپ چاہتے تھے کہ بنیادی مرکز صحت کی تعمیر ان کے علاقے میں ہو ،جاں بحق افراد میں جمعیت علمائے اسلام (جے یو آئی) کے صوبائی رہنما و سابق تحصیل ناظم ٹل حاجی پیاؤ زار وزیر بھی شامل ہیں۔

واقعے کی اطلاع ملتے ہی پختونخوا پولیس کی بھاری نفری موقع پر پہنچ گئی اور علاقے کو گھیرے میں لے کر تحقیقات شروع کردیں۔