ٹریفک وارڈن کی مبینہ غلطی،موٹر سائیکل سوار نوجوان جاں بحق

تفصیلات کے مطابق شادمان میں ٹریفک وارڈن نے ایک موٹر سائیکل سوار کو روکنے کی کوشش کی۔ سی سی ٹی وی فوٹیج میں دیکھا جاسکتا ہے کہ ٹریفک وارڈن موٹر سائیکل سوار کو روکنے کے لیے بھاگتے ہوئے موٹر سائیکل کے آگے آ گیا۔

فوٹیج کے مطابق موٹر سائیکل سوار کا سر ٹریفک وارڈن سے ٹکرایا، جس کے بعد وہ بے قابو ہوکر فٹ پاتھ سے جا ٹکرایا اور شدید زخمی ہوگیا۔

حادثے میں زخمی ہونے والے زین نامی نوجوان کو فوری طور پر اسپتال منتقل کیا گیا، جہاں وہ پانچ روز تک زیرِ علاج رہا تاہم پانچ روز تک زندگی اور موت کی کشمکش میں رہنے کے بعد زین زخموں کی تاب نہ لاتے ہوئے دم توڑ گیا۔

واقعے کی سی سی ٹی وی فوٹیج سامنے آنے کے بعد حادثے کے ذمہ داروں کے تعین اور واقعے کی مکمل تحقیقات کا مطالبہ کیا جا رہا ہے۔