ایم ڈی کیٹ ٹسیٹ سے متعلق حکومت کا بڑا اعلان
تفصیلات کے مطابق وزیراعلیٰ خیبرپختونخوا سہیل آفریدی کی زیر صدارت صوبائی کابینہ کا اجلاس آج ہوگا، جس میں مختلف اہم انتظامی، مالیاتی اور ترقیاتی امور پر غور کیا جائے گا۔ اجلاس کا ایجنڈا جاری کردیا گیا ہے۔
اجلاس میں ایم ڈی کیٹ ٹیسٹ ای ٹی ای اے کے ذریعے کرانے کی تجویز پر بھی غور کیا جائے گا۔ اس کے علاوہ خیبرپختونخوا ریونیو اتھارٹی کی سالانہ رپورٹ صوبائی اسمبلی میں پیش کرنے کا معاملہ بھی زیر غور آئے گا۔
یہ بھی پڑھیں: ڈاکٹروں نے عمران خان کو صحت مند قرار دیا: عطا تارڑ
کابینہ اجلاس میں الیکشن کمیشن آف پاکستان کی سالانہ رپورٹ 2025 بھی پیش کی جائے گی، جبکہ شہید مولانا مرزا جان کے ورثا کا معاوضہ بڑھا کر ایک کروڑ روپے کرنے کی تجویز بھی زیر غور آئے گی۔
اس کے علاوہ مغربی پاکستان رجسٹریشن رولز میں ترامیم، ای رجسٹری کے نفاذ، ضلع چارسدہ میں عمرزئی کے نام سے نئی تحصیل کے قیام اور خیبرپختونخوا میں ملٹی سیکٹرل اسکول میل پروگرام شروع کرنے کی تجاویز بھی اجلاس کے ایجنڈے میں شامل ہیں۔
