نواز شریف کے خلاف سازش؟ لیگی رہنما کا بڑا دعویٰ

سپریم کورٹ کی جانب سے بانی پی ٹی آئی عمران خان کو الشفا اسپتال منتقل کرنے کے فیصلے کے بعد ن لیگی سینیٹر نے صحافیوں سے گفتگو کرتے ہوئے کہا کہ عمران خان کو جہاں جانا تھا وہاں چلے گئے ہیں

سینیٹر ناصر بٹ نے کہا یوں لگتا ہے کہ نواز شریف اور ان کی حکومت کے خلاف پھر سازش شروع ہوگئی ہے، بار بار نواز شریف کے خلاف سازش ہوتی ہے اور وہ ہر بار واپس آجاتے ہیں اور سازشی پیچھے رہ جاتے ہیں۔

واضح رہے کہ آج سپریم کورٹ نے بانی پی ٹی آئی عمران خان کو شفا اسپتال منتقل کرنے کا حکم دیا ہے۔

یہ بھی پڑھیں: عمران خان کی شفا ہسپتال منتقلی، سپریم کورت کا تحریری فیصلہ جاری

سپریم کورٹ نے عمران خان کے ذاتی ڈاکٹر فیصل سلطان اور بہن ڈاکٹر عظمیٰ خان کو بھی ان کے ہمراہ اسپتال میں ہونے کی اجازت دیتے ہوئے بانی پی ٹی آئی سے ہفتے میں ایک دن ان کے اہلخانہ کی ملاقات کرنے کا بھی حکم دیا۔

سپریم کورٹ نے اپنے حکم میں بانی پی ٹی آئی کو آئندہ سماعت تک اسپتال میں رہنے کا حکم جاری کرتے ہوئے سماعت 16 ستمبر تک ملتوی کر دی۔