نادرا نے نیا کیو آر کوڈ شناختی کارڈ متعارف کرا دیا

نادرا کے مطابق نیا شناختی کارڈ پولی کاربونیٹ مٹیریل سے ملک میں تیار کیا گیا ہے، اس پر موجود کیو آر کوڈ کو عام اسمارٹ فون کے ذریعے بھی پڑھا جا سکے گا جبکہ پاک آئی ڈی موبائل ایپ سے اس کی تصدیق کی سہولت بھی دستیاب ہوگی۔

اعلامیے کے مطابق کیو آر کوڈ میں کارڈ کی متعلقہ شناختی معلومات اور تصویر موجود ہوگی۔ اس نظام سے نام، پتے اور دیگر معلومات کے اندراج میں غلطیوں کے امکانات کم ہوں گے۔

1/6
An important step towards self-reliance and easier digital verification!
NADRA has introduced a new chipless, QR code-based National Identity Card, manufactured in Pakistan by the National Security Printing Company (NSPC), Karachi. pic.twitter.com/15qRzx6Suy

— NADRA (@NadraPak) August 14, 2026

نادرا نے بتایا کہ ٹیلی کام کمپنیوں، بینکوں، اسپتالوں، ریلوے، پولیس اور دیگر مجاز اداروں کو کیو آر کوڈ کے ذریعے شناخت کی تصدیق کے لیے سافٹ ویئر فراہم کیا جائے گا۔

نئے کارڈ پر خاندان نمبر کے علاؤہ بزرگ، شہریوں معذور افراد اور اعضا عطیہ کرنے والوں کیلئے مخصوص نشانات بھی شامل ہوں گے، آزاد جموں و کشمیر کے شہریوں کیلئے بھی الگ شناختی نشان موجود ہوگا جبکہ نام اور پتہ، اردو اور انگریزی دونوں زبانوں میں درج ہوگا۔

یہ بھی پڑھیں:ای پاسپورٹ سہولیات مزید آسان بنانے کا فیصلہ

نادرا کے مطابق کیو آر کوڈ والا نیا شناختی کارڈ 14 اگست 2026 سے موجودہ کارڈ کی جگہ مرحلہ وار جاری کیا جارہا ہے، جنوری 2027 سے یہی نظام نائیکوپ اور جووینائل کارڈ سمیت سمیت قومی شناختی کارڈ کی تمام اقسام تک توسیع دیا جائے گا۔

آخری مرحلے میں پاکستان اوریجن کارڈ (پی او سی) کو بھی چپ کے بغیر کیو آر کوڈ والے نئے کارڈ میں تبدیل کیا جائے گا۔

نادرا نے واضح کیا ہے کہ پہلے سے جاری تمام شناختی کارڈ اپنی مقررہ میعاد تک بدستور قابل استعمال رہیں گے۔