کراچی کی حالت دیکھ کر شاہد آفریدی پھٹ پڑے

 کراچی کی حالت دیکھ کر شرمندگی ہوتی ہے، شاہد آفریدی

کراچی:(ویب ڈیسک) قومی کرکٹ ٹیم کے سابق کپتان شاہد آفریدی نے کراچی کی ابتر صورتحال پر مایوسی کا اظہار کرتے ہوئے کہا ہے کہ اربوں روپے کا کاروبار کرنے اور لاکھوں کو روزگار دینے والے شہر کی حالت دیکھ کر بہت شرمندگی ہوتی ہے۔

فواد عالم کی پوڈ کاسٹ میں گفتگو کرتے ہوئے شاہد آفریدی نے کراچی چھوڑ کر اسلام اباد منتقل ہونے کو مشکل فیصلہ قرار دیا، ان کا کہنا تھا کہ کراچی بہت اچھے لوگوں کا شہر ہے اور انہوں نے یہاں زندگی کا بہت اچھا وقت گزارا۔

سابق کپتان نے کہا کہ اسلام اباد انفرااسٹرکچر اور موسم کے لحاظ سے بہت اچھا شہر ہے تاہم وہ کراچی کو یاد نہیں کرتے لیکن وہاں کے لوگوں کی بہت یاد آتی ہے۔

شاہد آفریدی کا کہنا تھا کہ کراچی کی موجودہ حالت دیکھ کر افسوس ہوتا ہے، جب کوئی شہر کو "پیرس" یا کچھ اور کہتا ہے تو یہ سن کر ہنسی آتی ہے۔

یہ بھی پڑھیں: پنجاب میں کچی رسیدوں کے اجراء پر پابندی عائد

انہوں نے کہا کہ شاہراہِ بھٹو اچھی بنائی گئی ہے لیکن شہر کو بہت سے مزید کاموں کی ضرورت ہے۔ صرف ایک منصوبہ بنا کر حکومت خود کو اور عوام کو مطمئن نہیں کرسکتی۔

سیاست میں آنے سے متعلق سوال پر شاہد آفریدی نے بتایا کہ ایک وقت تھا جب انکا سیاست میں آنے کا ارادہ تھا تاہم 2019 میں انہوں نے اپنا ذہن بدل لیا، انکے مطابق سیاست کرنا ان کا کام نہیں ہے۔