پی ٹی آئی رہنما قتل کیس میں ملوث ٹک ٹاکر گرفتار

پولیس کا کہنا ہے کہ عبداللہ طاہر کے قتل میں ملوث ٹک ٹاکر ملزمہ کو سیالکوٹ سے گرفتار کیا گیا اور اسے لاہور منتقل کردیا گیا ہے۔

پولیس کے مطابق ملزمہ نے عبداللہ طاہر کے ڈرائیورکوہنی ٹریپ کیا تھا، ملزمہ شوٹر کی دوست ہے، اس سے قبل بھی کئی افراد کوہنی ٹریپ کرچکی ہے۔

یہ بھی پڑھیں: حکومت کی جانب سے پی ٹی آئی کو دوبارہ مذاکرات کی نئی پیشکش

پولیس کے مطابق ملزمان کی ساتھی خاتون نے سوشل میڈیا ایپ کے ذریعے عبداللہ طاہر کے ڈرائیور سے رابطہ کیا، واردات کے روز کلینک پہنچنے کے بعد ڈرائیور اور ملزمہ کے درمیان ویڈیوکال ہوئی، ملزمان نے عبداللہ طاہر کی کلینک میں موجودگی کی تصدیق کی۔

پولیس کا بتانا ہے کہ مقتول کی ریکی کیلئےملزمان نے ڈرون کیمرہ بھی استعمال کیا۔

واضح رہے پاکستان تحریک انصاف کے رہنما عبداللّٰہ طاہر کو چند روز قبل لاہور میں قتل کیا گیا تھا۔