حکومت کی جانب سے پی ٹی آئی کو دوبارہ مذاکرات کی نئی پیشکش

اسپیکر قومی اسمبلی ایاز صادق سے پی ٹی ائی رہنما عامر ڈوگر کی ملاقات ہوئی، جس میں وفاقی وزیر برائے پارلیمانی اور ڈاکٹر طارق فضل چوہدری بھی شریک تھے۔

ملاقات کے دوران حکومتی نمائندوں نے کہا کہ پارلیمنٹ ہاؤس میں پی ٹی ائی کی تجویز کردہ جگہ پر مذکرات کیے جا سکتے ہیں تاکہ سیاسی معاملات کو بات چیت کے ذریعے آگے بڑھایا جا سکے۔

یہ بھی پڑھیں: عمران خان نےشہباز گل کو زمان پارک میں بند کر دیا تھا، شفیع جان

عامر ڈوگر نے حکومتی پیشکش پر رد عمل دیتے ہوئے کہا کہ وہ یہ تجویز پارٹی کی قیادت کے سامنے رکھیں گے اور باہمی مشاورت کے بعد باضابطہ طور پر جواب دیا جائے گا۔

تاہم اس ملاقات کو حکومت اور اپوزیشن کے درمیان ممکنہ سیاسی رابطوں کی بحالی کی جانب ایک اہم پیش رفت قرار دیا جا رہا ہے۔