یو اے ای ورک ویزا کیلئے پاکستان پر نئی شرط عائد
بیورو آف امیگریشن اینڈ اوورسیز ایمپلائمنٹ کے مطابق متحدہ عرب امارات کی حکومت نے پاکستانی شہریوں کے لیے یہ شرط نافذ کر دی ہے جس پر 20 جولائی سے باقاعدہ عملدرآمد بھی شروع ہو چکا ہے۔
اعلامیے کے مطابق یو اے ای میں ملازمت کے ویزے کے خواہشمند افراد پہلے پاکستان کی متعلقہ اتھارٹی سے گڈ کنڈکٹ (پولیس کریکٹر) سرٹیفکیٹ حاصل کریں، پھر است پاکستان میں موجود متحدہ عرب امارات کے سفارت خانے سے تصدیق کرائیں۔
بیورو آف امیگریشن نے تمام درخواست گزاروں کو ہدایت کی ہے کہ ویزا درخواست جمع کرانے سے پہلے یہ دستاویز مکمل کر لیں تاکہ ویزا کے اجرا میں کسی قسم کی تاخیر یا پیچیدگی سے بچا جا سکے۔
یہ بھی پڑھیں: امریکا کی ٹاپ 100 یونیورسٹیوں میں پی ایچ ڈی اسکالرشپ نے درخواستیں طلب کر لیں
واضح رہے کہ لاکھوں پاکستانی روزگار کے سلسلے میں متحدہ عرب امارات میں مقیم ہیں جبکہ ہر سال بڑی تعداد میں افراد ملازمت کی غرض سے وہاں کا رخ کرتے ہیں، نئی شرط کا مقصد ورک ویزا کے عمل کو مزید منظم اور شفاف بنایا جا رہا ہے
