نواز شریف کو پنجاب میں بڑا عہدہ مل گیا
حکومت پینجاب نے نواز شریف کو ہیریٹیج ایریا ریوائیوال بورڈ کے سربراہ مقرکردیا/فائل فوٹو
Updated 15 گھنٹے قبل | Published July, 29 2026 |
لاہور:(ویب ڈیسک) حکومت پنجاب نے لاہور کے تاریخی مقامات کے تحفظ اور بحالی کے لیے قائم کیے گئے ہیریٹیج ایریا ریوائیوال بورڈ کی سربراہی کا عہدہ سابق وزیراعظم نواز شریف کو سونپ دیا ہے نیز اس حوالے سے باضابطہ نوٹیفکیشن بھی جاری کردیا ہے۔
گورنر پنجاب سردار سلیم حیدر کی منظوری کے بعد محکمہ بلدیات پنجاب پنجاب نے بورڈ کی تشکیل کا گزٹ نوٹیفکیشن جاری کردیا ہے، نوٹیفکیشن کے مطابق والڈ سٹیز اینڈ ہیریٹیج ایریاز اتھارٹی ایکٹ 2012 کے تحت قائم کیا گیا ہے اور اس کا اطلاق فوری طور پر ہوگیا ہے۔
حکومتی فیصلے کے مطابق نواز شریف لاہور کے تاریخی مقامات، ثقافتی ورثے اور قدیم عمارتوں کی اصل حالت میں بحالی کے منصوبوں کی نگرانی کریں گے۔
یہ بھی پڑھِیں: آزاد کشمیر انتخاب: مریم نواز کا سوال، قیامت کتنے بجے ہے؟
حکومت کا کہنا ہے کہ بورڈ کا مقصد لاہور کے تاریخی ورثے کو مضبوط بنانا، قدیم عمارتوں کی بحالی کو تیز کرنا اور شہر کی ثقافتی شناخت کو مزید مضبوط کرنا ہے۔
