سابق رکن پنجاب اسمبلی ماجد ظہور کی والدہ انتقال کر گئیں

خاندانی ذرائع کے مطابق مرحومہ کی نمازِ جنازہ کل بتاریخ 11 جولائی بروز ہفتہ کو صبح 10 بجے مرکز اہلحدیث مسجد لارنس روڈ لاہور میں ادا کی جائے گی۔

مختلف سیاسی و سماجی شخصیات نے ماجد ظہور سے ان کی والدہ کے انتقال پر گہرے دکھ اور افسوس کا اظہار کیا ہے۔

واضح رہے کہ ماجد ظہور 2013 کے عام انتخابات میں حلقہ پی پی 140 لاہور فور سے پاکستان مسلم لیگ ن کے امیدوار کے طور پر پنجاب اسمبلی کے رکن منتخب ہوئے تھے۔

یہ بھی پڑھیں: ڈاکٹر یاسمین راشد کے انتقال کی افواہیں بے بنیاد قرار

انہوں نے اپنے دورِ نمائندگی میں حلقے کے عوامی مسائل کے حل کے لیے کردار ادا کیا۔

سیاسی رہنماؤں نے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔