ایف بی آر دفاتر ہفتے اور اتوار کے روز کھلے رہیں گے

ایف بی آر کی جانب سے جاری اعلامیہ میں کہا گیا ہے کہ فیڈرل بورڈ آف ریونیو کے دفاتر 29 اور 30 جون کو دفتری اوقات کے بعد بھی کھلے رہیں گے ، رواں مالی سال کے ڈیوٹیز و ٹیکسز کی وصولی کے لئے تمام دفاتر کھلے رہیں گے۔

اعلامیہ میں مزید کہا گیا کہ تمام لارج ٹیکس پیئرز آفسز، میڈیم ٹیکس پیئرز آفسز، کارپوریٹ ٹیکس آفسز اور ریجنل ٹیکس آفسز معمول کے مطابق کام کریں گے۔

خیال رہے کہ عاشورہ کے موقع حکومت کی جانب سے دو روزہ سرکاری تعطیل کا اعلان کیا گیا ہے جس کے تحت جمعرات اور جمعہ کے روز تمام سرکاری دفاتر میں عام تعطیل ہو گی۔

یہ بھی پڑھیں: ملک بھر کے سرکاری و نجی بینکس دو روز بند رہیں گے

واضح رہے کہ پاکستان سمیت دنیا بھر میں نواسہ رسول ﷺ حضرت امام حسینؓ اور ان کے اہل خانہ کی اسلام کے لیے دی گئی قربانیوں کی یاد میں یوم عاشورہ منایا جاتا ہے۔

محرم الحرام کے دوران مجالس اور جلوسوں کے انعقاد کے پیشِ نظر ملک بھر میں سکیورٹی کے خصوصی انتظامات کو بھی حتمی شکل دی دی گئی ہے۔