ایم کیو ایم نے وزیراعظم شہباز شریف کو مطالبات پیش کر دیے

وزیراعظم سے ایم کیو ایم پاکستان کے وفد کی اسلام آباد میں ملاقات ہوئی جس میں خالد مقبول صدیقی، مصطفیٰ کمال، فاروق ستار اور امین الحق شامل تھے جب کہ نائب وزیراعظم اسحاق ڈار اور رانا ثناءاللہ بھی ملاقات میں موجود تھے۔

یہ بھی پڑھیں: قومی اسمبلی نے آئندہ مالی سال کے بجٹ کی منظوری دیدی

ایم کیو ایم ذرائع کے مطابق ملاقات میں ایم کیو ایم کی جانب سے 4 نکات پرگفتگو کی گئی جب کہ پارٹی نے وزیراعظم سے شہری علاقوں کے لیے ترقیاتی پیکج کامطالبہ کیا۔

ذرائع کا کہنا ہے کہ ایم کیو ایم نے بلدیاتی حکومتوں پرمجوزہ آئینی بل، سندھ میں گورنرشپ اور ایم کیو ایم کےلاپتا کارکنان کی بازبی پر بھی گفتگو کی۔

ذرائع کے مطابق وزیراعظم کی جانب سے ایم کیو ایم کے آئینی مجوزہ بل،لاپتا کارکنان پرکمیٹی قائم کرنے کی ہدایت کی گئی ہے۔