کے پی: سرکاری ملازمین کے بچوں کے کوٹہ سے متعلق نئی ہدایات جاری
صوبائی حکومت کی جانب سے سپریم کورٹ اور وفاقی آئینی عدالت کے فیصلوں پر عملدرآمد کے لیے تمام محکموں کو مراسلہ ارسال کر دیا گیا۔
مراسلہ میں کہا گیا ہے کہ 26 ستمبر 2024 کے بعد فوت ہونے والے یا طبی بنیادوں پر ریٹائرڈ سرکاری ملازمین کے بچوں کی کوٹہ پر نئی بھرتی نہیں ہو گی، 26 ستمبر 2024 سے پہلے پیدا ہونے والے کوٹہ کیسز قانون کے مطابق نمٹائے جائیں گے۔
حکومتی مراسلہ کے مطابق زیر التواء کوٹہ کیسز کا فیصلہ ہر کیس کے حقائق اور قانونی حیثیت دیکھ کر کیا جائے گا، تمام انتظامی محکموں کو ہر کیس الگ الگ میرٹ اور عدالتی فیصلوں کی روشنی میں جانچنے کی ہدایت کی گئی ہے۔
یہ بھی پڑھیں: پانچ ہزار کے نوٹ پر نواز شریف کی تصویر شامل کرنے کا مطالبہ
مراسلہ میں متوفی ملازمین کے بچوں کے کوٹہ سے متعلق مشکوک کیسز محکمہ قانون کو بھجوائے جائیں گے۔
محکمہ ہیومن ریسورس مینجمنٹ خیبرپختونخوا نے تمام محکموں اور ضلعی انتظامیہ کو حکومتی احکامات پر سختی سے عملدرآمد یقینی بنانے کی ہدایت کر دی۔
