پنجاب کابینہ کا اجلاس، بجٹ 27-2026 کی منظوری
وزیراعلیٰ پنجاب مریم نواز شریف کی زیر صدارت صوبائی کابینہ کا 35 واں اجلاس ہوا جس میں کابینہ نے نئے مالی سال 2026-27 کے بجٹ کی باضابطہ منظوری دی۔
وزیراعلیٰ مریم نواز شریف نے کابینہ اجلاس کے دوران گفتگو کرتے ہوئے کہا کہ تیسرا بجٹ پیش کرنے پر اللہ تعالیٰ کا شکر بجا لاتی ہوں، وفاقی حکومت کو ڈیفنس اور دیگر مدات میں پنجاب نے سب سے زیادہ شیئر دیا۔
ان کا کہنا تھا کہ ایف ایف سی شیئر کم ہونے کے باوجود اپنی عوام کو اپنے وسائل سے ریلیف دینے کے لئے پر عزم ہوں، پنجاب کے عوام کی ترقی کے سفر پر کوئی کمپرومائز نہیں ہو گا۔
مریم نواز نے کہا کہ پچھلے 2سال میں پنجاب نے ہر شعبہ میں قابل ذکر اورنا قابل تردیدترقی کی، سیلاب کے دوران پنجاب نے تاریخی ریسکیو اور ریلیف آپریشن کیا، ٹیم ورک کر کے مالیاتی خسارے کو پورا کریں گے، کسی پراجیکٹ پر سمجھوتہ نہیں ہو گا۔
یہ بھی پڑھیں: پاک فضائیہ کے تربیتی طیارے کو حادثہ، مریم نواز کا اظہار افسوس
وزیراعلیٰ مریم نواز شریف نے مزید کہا کہ عوام کو ریلیف دینے کا عہد پورا کرنے کے لئے علالت کی حالت میں بھی ویڈیو لنک میٹنگ کرتی رہی ہوں، عوام کے ریلیف اور خدمت کا سفر پہلے کی طرح جاری رہے گا۔
