مردان: تربیتی طیارہ گر کر تباہ، 2 پائلٹ موقع پر شہید
کاٹلنگ روڈ پر جبر نہر کے قریب تربیتی طیارہ گر کر حادثے کا شکار ہوا/ فائل فوٹو
Updated 13 گھنٹے قبل | Published June, 15 2026 |
مردان (ویب ڈیسک): کاٹلنگ روڈ پر جبر نہر کے قریب ایک تربیتی طیارہ گر کر حادثے کا شکار ہوگیا جس کے نتیجے میں جانی نقصان کی اطلاعات موصول ہوئی ہیں۔
ابتدائی اطلاعات کے مطابق طیارے میں سوار 2 پائلٹ موقع پر شہید ہوگئے، جبکہ حادثے کے نتیجے میں 2 راہگیر شدید زخمی ہوئے ہیں۔
یہ بھی پڑھیں: برازیل میں دو ہیلی کاپٹر ٹکرا کر تباہ، تمام افراد ہلاک
حادثے کے فوراً بعد ریسکیو 1122 کی ٹیمیں موقع پر پہنچ گئیں اور امدادی کارروائیاں شروع کر دیں۔ میڈیکل ٹیم نے زخمیوں کو ابتدائی طبی امداد فراہم کرنے کے بعد مزید علاج کے لیے قریبی ہسپتال منتقل کر دیا۔
کاٹلنگ روڈ گدر چوک میں تربیتی طیارہ گر کر تباہ دو پائلٹ شہید pic.twitter.com/oBgCGDUlOx
— Engr Adil Nawaz (@adilnawazpti) June 15, 2026
عینی شاہدین کے مطابق طیارہ اچانک تکنیکی خرابی کے باعث نیچے آ گرا، تاہم حادثے کی اصل وجہ جاننے کے لیے متعلقہ اداروں کی جانب سے تحقیقات کا آغاز کر دیا گیا ہے۔
