حکومت کا نوجوانوں کو الیکٹرک بائیکس اور ای ٹیکسیاں بلاسود دینے کا اعلان

Punjab Electric Bike Scheme
فائل فوٹو
Updated | Published June, 2 2026 |
لاہور:(ویب ڈیسک) پنجاب حکومت نے طلبہ اور بے روزگار نوجوانوں کیلئے ایک اہم اور خوش آئند اقدام کرتے ہوئے آئندہ مالی سال میں 50 ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کر لیا۔

 اس منصوبے کا مقصد نوجوانوں کو سستی سفری سہولت فراہم کرنے کے ساتھ ساتھ روزگار کے نئے مواقع پیدا کرنا بھی ہے۔

حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔

حکومت کا مؤقف ہے کہ یہ منصوبہ نوجوانوں کو معاشی طور پر خودمختار بنانے اور جدید، ماحول دوست ٹرانسپورٹ کے فروغ میں اہم کردار ادا کرے گا۔

وزیر ٹرانسپورٹ پنجاب بلال اکبر خان نے اس حوالے سے بتایا کہ ای ٹیکسی اسکیم کے تحت مستحق افراد کو آسان اقساط پر گاڑیاں فراہم کی جائیں گی جبکہ فنانسنگ مکمل طور پر بلاسود ہوگی۔

اس کے علاوہ رجسٹریشن اور دیگر سرکاری مراحل میں بھی خصوصی سہولیات اور مراعات دی جائیں گی تاکہ زیادہ سے زیادہ نوجوان اس منصوبے سے فائدہ اٹھا سکیں۔

انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کیلئے عملی اقدامات کر رہی ہے، ہزاروں نوجوان اس منصوبے کے ذریعے نہ صرف اپنی آمدن میں اضافہ کر سکیں گے بلکہ خود روزگار کے مواقع بھی حاصل کریں گے۔

بلال اکبر خان کا کہنا تھا کہ الیکٹرک ٹرانسپورٹ کے فروغ سے ایندھن پر انحصار کم ہوگا اور ماحولیاتی آلودگی میں بھی نمایاں کمی آئے گی۔

یہ بھی پڑھیں:نادرا نے نیا برتھ نوٹیفکیشن ٹول متعارف کرا دیا

 

 

 

واضح رہے کہ حکومت کی جانب سے اس اسکیم کی مکمل تفصیلات، درخواست کا طریقہ کار اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔

یہ منصوبہ پنجاب کے نوجوانوں کیلئے روزگار، سہولت اور ترقی کے نئے دروازے کھولنے کی جانب ایک اہم قدم قرار دیا جا رہا ہے۔

کرنسی، دھاتوں اور پیٹرولیم مصنوعات کے نرخ
Currency → PKR
Currency Pair Rate (PKR) Change
🇺🇸 US Dollar USD → PKR 276.37 ▼ 0.90
🇪🇺 Euro EUR → PKR 304.14 ▼ 1.51
🇬🇧 British Pound GBP → PKR 364.52 ▼ 2.18
🇸🇦 Saudi Riyal SAR → PKR 73.44 ▲ 0.96
🇦🇪 UAE Dirham AED → PKR 75.25 ▼ 0.25
🇨🇳 Chinese Yuan CNY → PKR 41.47 ▼ 0.09
Current Metals
Metal Unit Price (PKR) Change
Gold 24K Per Tola 404,862 ▲ 2,337
Gold 22K Per Tola 371,124 ▲ 2,143
Gold 21K Per Tola 354,254 ▲ 2,045
Gold 18K Per Tola 303,647 ▲ 1,753
Silver Per Tola 5,088 ▲ 34
Platinum Per oz (USD) 1,505 ▲ 17.7%
Current Petrol
Fuel Type Unit Price (PKR) Change
Petrol Super Per Litre 330.00 ▼ 2.00
Diesel HSD Per Litre 251.37 —
High Octane Per Litre 415.00 —
Kerosene Per Litre 308.52 —
LPG Per Kg 294.07 —
ضرور پڑھیں