بینظیر کفالت پروگرام: اپلائی کرنے کیلئے لنک پر کلک کریں
بی آئی ایس پی کے مطابق بے نظیر کفالت پروگرام کے تحت سہ ماہی قسط 13 ہزار 500 روپے سے بڑھا کر 19 ہزار 500 روپے کر دی گئی ہے۔ مستحق خواتین اور خاندان اپنی رقم کی معلومات حاصل کرنے کے لیے 8171 پورٹل پر جا کر 13 ہندسوں پر مشتمل شناختی کارڈ نمبر درج کریں، کیپچا کوڈ لکھیں اور اہلیت معلوم کریں یا متعلقہ بٹن پر کلک کریں۔ اس کے بعد اہلیت، ادائیگی اور دیگر ضروری تفصیلات اسکرین پر ظاہر ہو جاتی ہیں۔
انٹرنیٹ کی سہولت نہ رکھنے والے افراد بھی 8171 ایس ایم ایس سروس کے ذریعے اپنی معلومات حاصل کر سکتے ہیں۔ اس کے لیے موبائل کے میسج باکس میں بغیر ڈیش کے شناختی کارڈ نمبر لکھ کر 8171 پر بھیجیں، جس کے بعد اہلیت یا ادائیگی سے متعلق جواب موصول ہو جاتا ہے۔ بی آئی ایس پی حکام کے مطابق 8171 ہی پروگرام کا سرکاری نمبر ہے، اس کے علاوہ کسی دوسرے نمبر سے آنے والے پیغامات پر اعتماد نہ کیا جائے۔
یہ بھی پڑھیں: الیکٹرک بائیکس سبسڈی فیز ٹو کا آغاز
حکام نے شہریوں کو خبردار کیا ہے کہ بی آئی ایس پی رجسٹریشن، اہلیت یا رقم کے حصول کے لیے کسی کو کوئی فیس ادا نہ کریں۔ مستحق افراد اپنی رجسٹریشن یا معلومات کی درستگی کے لیے قریبی بی آئی ایس پی تحصیل دفتر یا این ایس ای آر سروے سے رجوع کر سکتے ہیں۔ اگر کسی مستحق خاتون یا خاندان کی رقم سے کٹوتی کی جائے تو فوری طور پر بی آئی ایس پی ہیلپ لائن 0800 26477 یا قریبی بی آئی ایس پی دفتر میں شکایت درج کرائی جائے۔
بی آئی ایس پی انتظامیہ کا کہنا ہے کہ پروگرام کا مقصد کم آمدنی اور مستحق خاندانوں کو شفاف طریقے سے مالی معاونت فراہم کرنا ہے، جبکہ ادائیگیوں کے نظام کو مزید آسان، محفوظ اور قابلِ رسائی بنانے کے لیے اقدامات جاری ہیں۔ شہری اپنے آپ کو رجسٹرڈ کرنے کےلئے اس لنک پر https://8171.bisp.gov.pk کلک کریں۔
