پنجاب: موسمِ گرما کی تعطیلات 2026 سے متعلق اہم اپڈیٹ جاری

انہوں نے بتایا کہ حکومت 15 مئی کے بعد صورتحال اور تعلیمی ضروریات کا مکمل جائزہ لینے کے بعد ہی تعطیلات کا باضابطہ شیڈول جاری کرے گی۔

وزیر تعلیم کے مطابق اس وقت ایک تجویز زیر غور ہے جس کے تحت اس سال گرمیوں کی چھٹیوں میں 15 سے 20 دن تک کمی کی جا سکتی ہے۔ اس اقدام کا مقصد تعلیمی نقصان کو پورا کرنا اور تدریسی وقت میں اضافہ کرنا ہے۔

منصوبے کے مطابق تعلیمی سال میں تدریسی دنوں کی تعداد 180 سے بڑھا کر تقریباً 190 دن کی جا سکتی ہے تاکہ نصاب کو بروقت مکمل کیا جا سکے۔

یہ بھی پڑھیں: روس کا پاکستانیوں کے لیے نیا رہائشی پروگرام متعارف

انہوں نے مزید کہا کہ حکومت تعلیمی کیلنڈر میں اصلاحات کے تحت سردیوں کی تعطیلات میں بھی 5 سے 6 دن کی کمی پر غور کر رہی ہے۔

انہوں نے کہا کہ طویل تعطیلات طلبہ کی تعلیم پر منفی اثر ڈالتی ہیں اس لیے حکومت تدریسی وقت اور تعلیمی کارکردگی کو بہتر بنانا چاہتی ہے۔

اس سے قبل انہوں نے یہ بھی واضح کیا کہ اسکولوں میں جمعہ کی چھٹی کو مستقل نہیں بنایا جائے گا بلکہ آئندہ چند ہفتوں میں وفاقی حکومت سے مشاورت کے بعد اسے ختم کر دیا جائے گا۔

یاد رہے کہ جمعہ کی چھٹی پہلے بڑھتی ہوئی ایندھن کی قیمتوں اور توانائی کے بحران کے باعث متعارف کروائی گئی تھی جس کے تحت تعلیمی اداروں نے جزوی طور پر آن لائن تعلیم کا طریقہ اپنایا تھا۔