پارٹی ذرائع کے مطابق جن رہنماؤں کے نام فہرست میں شامل کیے گئے ہیں ان میں بیرسٹر گوہر، سلمان اکرم راجہ، لطیف کھوسہ، بابر اعوان، حامد خان اور انتظار پنجوتھا شامل ہیں، یہ تمام رہنما کل اڈیالہ جیل پہنچ کر عمران خان سے ملاقات کریں گے۔
ملاقات کے دوران پارٹی کے اہم امور، تنظیمی معاملات اور ملک کی موجودہ سیاسی صورتحال پر تفصیلی تبادلہ خیال متوقع ہے، تحریکِ انصاف کی قیادت کا کہنا ہے کہ اس ملاقات کا مقصد آئندہ سیاسی حکمت عملی کو مزید مؤثر بنانا ہے۔
یاد رہے کہ اس سے قبل بھی اڈیالہ جیل میں عمران خان اور ان کی اہلیہ بشریٰ بی بی کی ملاقات کروائی گئی تھی، منگل کے روز ہونے والی اس ملاقات میں دونوں نے جیل کانفرنس روم میں تقریباً آدھا گھنٹہ ایک ساتھ گزارا اور ایک دوسرے کی خیریت دریافت کی، اس دوران مختلف قانونی اور مقدمات سے متعلق امور پر بھی گفتگو ہوئی۔
یہ بھی پڑھیں:وزیراعلیٰ مریم نواز کا کاشتکاروں کو 6 ارب کا باردانہ مفت دینے کا اعلان
سیاسی مبصرین کا کہنا ہے کہ عمران خان سے رہنماؤں کی یہ ملاقاتیں آنے والے دنوں میں ملک کی سیاسی صورتحال پر اہم اثرات ڈال سکتی ہیں، جبکہ پارٹی کے اندر تنظیمی فیصلوں میں بھی تیزی متوقع ہے۔
