اسلام آباد میں ایک پریس کانفرنس کے دوران پی پی ڈی اے کے چیئرمین عبدالسمیع خان نے کہا کہ ڈیلرز متحد ہیں اور اگر حکومت نے کمیشن کو 8 فیصد تک نہ بڑھایا تو وہ اپنے پمپس فروخت کرنے یا کاروبار بند کرنے پر مجبور ہو سکتے ہیں۔

انہوں نے حکام پر الزام عائد کیا کہ وہ بھاری ٹیکسز عائد کر رہے ہیں اور انڈسٹری کے اسٹیک ہولڈرز سے مشاورت نہیں کی جا رہی۔

یہ بھی پڑھیں: ٹرانسپورٹ کے کرایوں میں 37 فیصد اضافے کی تجویز مسترد

ایپ پی پی او اے کے چیئرمین ہمایوں خان نے کہا کہ موجودہ کمیشن سسٹم کے تحت پیٹرول ڈیلرز کا کاروبار ناقابلِ برداشت ہوتا جا رہا ہے، خاص طور پر بڑھتی ہوئی ایندھن کی قیمتوں، اسمگل شدہ پیٹرول کی آمد اور غیر متعلقہ اداروں کی جانب سے معائنوں کے باعث۔

تنظیموں نے مطالبہ کیا ہے کہ کمیشن کا نظام پیٹرول کی قیمتوں میں اتار چڑھاؤ کے ساتھ منسلک کیا جائے اور حکومت سے فوری اقدامات کی اپیل کی ہے تاکہ ملک بھر میں ایندھن کی فراہمی میں خلل نہ آئے۔