حکام کو یہ بھی ہدایت دی گئی ہے کہ وہ 24 گھنٹوں کے اندر فی کلومیٹر کرایوں سے متعلق رپورٹ پیش کریں تاکہ حکومت صوبے بھر میں اس منصوبے کے نفاذ کا لائحہ عمل طے کر سکے۔
یہ اقدام اس مہینے میں اعلان کیے گئے پہلے ریلیف پیکج کا تسلسل ہے جس کے تحت پنجاب میں لاہور اورنج لائن میٹرو ٹرین، میٹرو بس، اسپیڈو بس اور گرین الیکٹرک بس جیسی سروسز پر سفر مفت کر دیا گیا تھا۔ اس اقدام کا مقصد بڑھتی ہوئی ایندھن کی قیمتوں کے باعث عوام پر پڑنے والے بوجھ کو کم کرنا تھا۔
یہ بھی پڑھیں: پیٹرول ڈیلرز کی ملک گیر ہڑتال کی وارننگ
اسی نوعیت کا ایک اقدام اسلام آباد میں بھی کیا گیا، جہاں ایندھن کی قیمتوں میں اضافے کے بعد 30 دن کے لیے پبلک ٹرانسپورٹ مفت کر دی گئی۔
نئے منصوبے کے تحت پنجاب حکومت اس ریلیف ماڈل کو بڑے شہروں سے بڑھا کر مزید اضلاع تک پھیلانے کا ارادہ رکھتی ہے۔
