یہ واقعہ مجاہد کالونی کے قریب پیش آیا جس کے بعد مسافروں میں خوف و ہراس پھیل گیا۔
ابتدائی اطلاعات کے مطابق حادثہ اچانک پیش آیا تاہم خوش قسمتی سے کسی بھی مسافر کے جاں بحق یا زخمی ہونے کی کوئی اطلاع موصول نہیں ہوئی، ٹرین میں سوار مسافروں نے اس واقعے کے بعد شدید خوف کا اظہار کیا لیکن صورتحال جلد ہی قابو میں لے لی گئی۔
ریلوے حکام کے مطابق حادثے کے فوری بعد امدادی کارروائیاں شروع کر دی گئیں اور متاثرہ بوگیوں میں موجود مسافروں کو محفوظ طریقے سے دیگر بوگیوں میں منتقل کیا گیا۔
حکام کا کہنا ہے کہ ٹرین کو تاخیر کے باوجود دوبارہ اپنی منزل کی جانب روانہ کرنے کے انتظامات مکمل کر لیے گئے ہیں تاکہ مسافروں کو مزید پریشانی کا سامنا نہ کرنا پڑے۔
یہ بھی پڑھیں:پیٹرول بم پھٹنے کو تیار، فی لیٹر کتنے کا ہوجائے گا؟
دوسری جانب پٹڑی سے اترنے والی بوگیوں کو بحال کرنے کیلئے ریلوے کا عملہ موقع پر موجود ہے اور بحالی کا کام تیزی سے جاری ہے، حادثے کی وجوہات جاننے کیلئے تحقیقات کا آغاز کر دیا گیا ہے تاکہ آئندہ ایسے واقعات سے بچا جا سکے۔
عوامی حلقوں نے اس واقعے پر تشویش کا اظہار کرتے ہوئے ریلوے نظام کی بہتری اور حفاظتی اقدامات کو مزید مؤثر بنانے کا مطالبہ کیا ہے۔
