سندھ حکومت نے عیدالفطر سے قبل سرکاری ملازمین کو خوشخبری سنا دی، تمام مسلم سرکاری ملازمین اور پنشنرز کو ادائیگیاں 16 مارچ کو ہوں گی، سندھ حکومت نے تنخواہوں اور پنشن کی قبل از وقت ادائیگی کی منظوری دے دی۔

عیدالفطر کے پیش نظر سندھ حکومت نے ملازمین کو ریلیف دینے کیلئے یہ خصوصی فیصلہ کیا ہے، سرکاری ملازمین کو مارچ کی تنخواہیں اور مراعات 16 مارچ کو ملیں گی، مارچ کی تنخواہیں اور مراعات عید سے پہلے ادا کی جائیں گی۔

حکومتِ سندھ کے اس فیصلے کا مقصد عیدالفطر سے قبل سرکاری ملازمین اور پنشنرز کو مالی سہولت فراہم کرنا ہے تاکہ انہیں عید کی تیاریوں کے دوران کسی قسم کی مالی مشکلات کا سامنا نہ کرنا پڑے۔

عیدالفطر کے موقع پر عام طور پر گھریلو اخراجات میں اضافہ ہو جاتا ہے جس کے باعث ملازمین کو اضافی وسائل درکار ہوتے ہیں، اسی ضرورت کو مدنظر رکھتے ہوئے صوبائی حکومت نے تنخواہوں اور پنشن کی قبل از وقت ادائیگی کا فیصلہ کیا ہے۔

یہ بھی پڑھیں: سکولوں اور کالجوں میں عید کے موقع پر 11 مسلسل چھٹیاں

ذرائع کے مطابق متعلقہ محکموں کو ہدایات جاری کر دی گئی ہیں کہ تمام ادائیگیوں کے انتظامات بروقت مکمل کیے جائیں تاکہ مقررہ تاریخ پر ملازمین اور پنشنرز کو رقم کی ادائیگی یقینی بنائی جا سکے۔

اس حوالے سے فنانس ڈیپارٹمنٹ کو بھی ضروری اقدامات کرنے کی ہدایت دی گئی ہے تاکہ ادائیگیوں کے عمل میں کسی قسم کی تاخیر نہ ہو۔

واضح رہے کہ عیدالفطر کے قریب آتے ہی مختلف صوبائی حکومتیں سرکاری ملازمین کیلئے ریلیف اقدامات کا اعلان کرتی ہیں تاکہ ملازمین کو عید کی تیاریوں میں آسانی ہو سکے، سندھ حکومت کی جانب سے تنخواہوں اور پنشن کی قبل از وقت ادائیگی کا یہ اقدام بھی اسی سلسلے کی ایک کڑی ہے جس کا مقصد سرکاری ملازمین اور پنشنرز کو بروقت مالی سہولت فراہم کرنا ہے۔