یہ پروگرام وزیراعلیٰ پنجاب مریم نواز کی جانب سے شروع کیا گیا ہے تاکہ غریب غیر مسلم خاندانوں کو مالی مدد فراہم کی جا سکے۔

یہ تقریب ویقار النساء کالج برائے خواتین، راولپنڈی میں منعقد ہوئی جس میں مہمانِ خصوصی طاہرہ اورنگزیب تھیں۔ انہوں نے مستحق افراد میں کارڈز تقسیم کیے، اس موقع پر ڈپٹی کمشنر ڈاکٹر حسن وقار چیمہ نے بتایا کہ یہ پروگرام دو مرحلوں میں مکمل کیا جا رہا ہے۔

پہلے مرحلے میں850 کارڈز تقسیم کیے گئے ہیں جبکہ دوسرے مرحلے میں تقریباً994 مزید کارڈز اہل افراد کو دیے جائیں گے، اس طرح مجموعی طور پر بڑی تعداد میں اقلیتی خاندان اس اسکیم سے فائدہ اٹھا سکیں گے۔

یہ بھی پڑھیں: ریلوے اسٹیشن کے قریب خوفناک آتشزدگی، ٹرینیں بند

مزید برآں، اس اسکیم کے تحت مستحق خاندانوں کو ہر تین ماہ بعد10,500 روپے مالی امداد دی جائے گی، یہ رقم ڈیجیٹل کارڈ یا بینک منتقلی کے ذریعے فراہم کی جائے گی تاکہ خاندان اپنی بنیادی ضروریات جیسے خوراک، تعلیم اور یوٹیلیٹی بلوں کے اخراجات پورے کر سکیں۔

یہ اقدام صوبائی حکومت کی جانب سے اقلیتی برادری کی فلاح و بہبود اور ان کے معیارِ زندگی کو بہتر بنانے کی کوششوں کا حصہ ہے۔