اسلام آباد کی ڈسٹرکٹ اینڈ سیشن کورٹس میں سابق وزیراعظم عمران خان اور سابق خاتون اول بشریٰ بی بی کےخلاف 9 مئی سمیت دیگر پانچ مقدمات میں عبوری ضمانت کی درخواستوں پرسماعت ہوئی،ایڈیشنل سیشن جج محمدافضل مجوکا نے ملزمان کی درخواستوں پر سماعت کی۔

دوران سماعت بانی پی ٹی آئی عمران خان کی عدم پیشی کے باعث ضمانت کی درخواستوں پر دلائل نہیں ہو سکے جس پر عدالت نے پیٹرن انچیف پاکستان تحریک انصاف عمران خان اور سابق خاتون اول بشریٰ بی بی کی عبوری ضمانتوں میں 17 فروری تک توسیع کا حکم دیتے ہوئے سماعت ملتوی کردی۔

یہ بھی پڑھیں: پی ٹی آئی کا مشال یوسفزئی کو شوکاز جاری کرنے کا فیصلہ

علاوہ ازیں عدالت نے آئندہ سماعت پر بانی پی ٹی آئی کو بذریعہ ویڈیو لنک عدالت پیش کرنے کی ہدایت بھی جاری کی۔

واضح رہے کہ بانی پی ٹی آئی کےخلاف 9 مئی کے پُر تشدد واقعات، اقدامِ قتل اور جعلی رسیدوں سمیت دیگرمقدمات درج ہیں جبکہ ان کی اہلیہ بشریٰ بی بی مبینہ طور پر جعلی رسیدیں جمع کرانے کے مقدمہ میں نامزد ہیں۔