واردات میں دو خواتین سمیت 3 ڈاکوؤں شامل تھے، واقعہ کا مقدمہ زمان ٹاؤن تھانے میں متاثرہ خاتون کی مدعیت میں درج کرلیا گیا ہے۔ 

مدعیہ خاتون کے مطابق جب انہوں نے دروازہ کھولا تو ایک خاتون سامان فروخت کرنے آئی تھی، خاتون کو جب اندر بلایا تو اس نے اپنی بیٹی کو فون کرکے مزید سامان لانے کا کہا جبکہ خاتون کی بیٹی کے ساتھ ایک لڑکا بھی زبردستی اندر آگیا۔

یہ بھی پڑھیں: کم عمر بچوں کیلئے سوشل میڈیا استعمال پر پابندی کی تجویز

متاثرہ خاتون کا کہنا ہے کہ لڑکے نے مجھے اسلحہ دکھاکر بے ہوشی کا انجکشن لگایا، میں نے مزاحمت کی تو لڑکے نے میرا سر دیوار سے مار دیا جس سے میں بے ہوش ہوگئی۔

خاتون کے مطابق ملزمان نے تجوری کھول کر 7 لاکھ روپے نکال لیے، ملزمان 15گرام کے دو سونے کے سیٹ، 4 انگوٹھیاں، بریسلٹ اور موبائل فون بھی ساتھ لے گئے۔