ذرائع کے مطابق صوبائی دارالحکومت لاہور میں بسنت کی تقریبات کے باعث طویل ویک اینڈ دینے کی تجویز زیر غور ہے، پانچ فروری کو یومِ کشمیر کی سرکاری تعطیل ہوگی جبکہ ہفتہ اور اتوار معمول کے مطابق ہفتہ وار چھٹیاں ہیں۔

اس کے علاوہ جمعہ کو بھی اضافی تعطیل دینے کی تجویز سامنے آئی ہے جس کی منظوری کے بعد شہری مسلسل چار دن کی تعطیلات سے فائدہ اٹھا سکیں گے۔

یہ بھی پڑھیں: تنخواہوں میں اضافے سے متعلق بڑی خوشخبری

خیال رہے کہ لاہور میں بسنت کی تقریبات 6، 7 اور 8 فروری کو منعقد کرنے کا اعلان کیا گیا ہے، انتظامیہ کا کہنا ہے کہ تعطیلات کی صورت میں شہر میں ٹریفک کے دباؤ میں کمی آئے گی اور غیر ضروری موٹر سائیکل سواروں کی نقل و حرکت بھی محدود ہو سکے گی جس سے سکیورٹی انتظامات کو بہتر بنانے میں مدد ملے گی۔